Framkvæmdastjóri félagsins framdi þetta dýraníð klukkan 8:00 í morgun. Jón Hávarður var að vanda fádæma góður í leiðsögn sinni enda var dýrið fallið klukkan 8:00 og fláð klukkan 13:00. Færið var 200 metrar og gangan 250 metrar. Loksins stendur Aktu Taktu undir nafni. 

Eins og sjá má er Framkvæmdastjórinn einkar sáttur með fenginn.

Framkvæmdastjórinn fékk sér að veiða í fyrsta sinn í sumar. Var staðurinn Apavatn enda var Framkvæmdastjórinn staddur þar í sumarhúsi í afslöppun eftir erfiða vinnuviku. Veiðiaðferðinni sem beitta var var svokölluð BTB (Back To Basics) aðferð en felst hún í að nota gamla spúnastöng og taka með sér þrjá spúna af þeirri gerð er kölluð Rauður Dropi og er eitt skæðasta vopn silungsveiðimannsins ef undanskilin er handsápa.

Eftir nokkur köst fór fiskur að láta á sér kræla og missti Framkvæmdastjórinn tvo myndar urriða áður en kvartpundarableikja krækti sér á. Að sönnum Bíttá sið var hún að sjálfsögðu aflífuð þar sem þar var kominn fyristi fiskur sumarsins. Skömmu síðar beit á Urriði af 1,5 punda stærð sem einnig var aflífaður til manneldis. Þá kom sú stund að besti spúnninn festist í botni og slitnaði af í hamaganginum en það var í lagi því framkvæmdastjórinn kastaði nokkur köst og veiddi hann bara aftur.

Fengurinn, Framkvæmdastjórinn og Rauði Dropinn.

Veiða og Henda fengurinn áður en hann var saxaður í smátt og hent fyrir frændur sína 

Um kvöldið fór svo umræddur aftur út til veiða með sína þrjá spúna og gömlu 1000 króna stöng þar sem agalegur stórurriði velti sér í fjöruborðinu á spúninn en festi sig ekki Framkvæmdastjóranum til mikillar armæðu en það kom ekki að sök því ekki leið á löngu þar til annar smáurriði lét veiða sig. Sá var að sjálfsögðu aflífaður og við aðgerð kom í ljós að hann var óhæfur til manneldis sökum lýsisskorts og var því beitt veiða henda aðferðinni. Kvikindið var bútað í smátt og hent út í vatnið sem fiskafóður. Svo kom sú stund að allir þrír spúnar Framkvæmdastjórans voru orðnir fastir í botni vatnsins og var þá haldið aftur í Orlofshúsið til sælgætisáts og spilamennsku.

Myndir