Tony (Anton) reynir fyrir sér en þarna kraumaði vatnið af lífi

Framkvæmdastjórinn og Formaður Noregsdeildar, Tony Thorstenssen (lauslega þýtt Anton Þorsteinsson) settu stefnuna á Hafravatn þar sem það er svo sem íslaust í von um að geta krækt sér í einn af þessum rómuðu stórrurriðum sem sveima um vatnið eins og frægt er. Þeir sem hafa vit á veiði vita einnig að þetta er sá tími þegar ís er að fara af vatni sem þessi frægi urriði leitar upp á grynningarnar í ætisleit og því freistuðu þeir félagar gæfunnar í 2 stiga frosti.


Frostið gerði flugukastið erfitt eins og sjá má fraus í lykkjunum

Þrátt fyrir ítrekaðar tilraunir með hákarl sem beitu auk úrvals flugna og spæna varð veiðigyðjan þeim ekki hliðholl að þessu sinni og verða þeir því að játa á sig algjört Brokeback og það fyrsta tímabilsins. En einhver varð að brjóta ísinn og taka áhættuna á fyrsta Brokebakki ársins svo félagar fari að taka upp stangir og hefji veiðar og þá er best að Framkvæmdastjórinn með Formman Noregsdeildar sér til fulltyngis gangi þar á undan öðrum og taki á sig skömmina.

Myndir