Þennan fyrsta dag Febrúarmánaðar var ferðinni heitið í Reykjarhverfi nánar tiltekið Kringluvatn. Patrolinn bar þau Ármann, Guðmund, Jóhönnu og Stjórnarformann ekki alla leið upp að vatni frekar en fyrri daginn enda einstaklega hvetjandi farartæki til hreyfingar. Um 35 mínútur tók að ganga frá  jeppanum að vatninu en þegar að vatninu var komið hóf Ármann að bora holur í massavís enda helmassaður maðurinn. Stjórnarformaður krækti í fyrsta fiskinn, fína bleikju að passlegri stærð á pönnu. Hanna nældi því næst í flottan urriða af passlegri stærð og svona hélt þetta áfram og varð afraksturinn einhverjar fleiri bleikjur og urriði af flottri stærð hjá Stjórnarformanni. Seinna, rétt áður en þau ætluðu að fara að huga að heimferð nældi Stjórnarformaður í flottan 5 punda urriða sem mun vera stærsti fiskur sem hann hefur tekið í gegnum ís á sínum á sínum margrómaða og farsæla ferli. Ármann kláraði þetta síðan með því að næla í flottan urriða aðeins minni en hans heitt elskaða var með (en það mun vera Jóhanna...ekki stjórnarformaðurinn). Þetta var á alla kanta frábær fyrsta veiðiferð ársins og lofar þetta góðu fyrir komandi sumar en stemmt er á að fara aftur um næstu helgi ef veður lofar.

Hér koma svo myndir úr ferðinni og verður líklega fjölgað myndum þegar Ármann hefur tæmt vélina sína.
Veiðikortið á góðri leið með að borga sig í matarinnkaupum og ekki veitti af í þessu árferði!