Stjórnin vill taka fram að ef einhverjir hafa kvartanir yfir millinöfnum sem stjórnin gaf á félagsskírteinum er þeim hér með bent á að skila formlegri umsókn um breytingu á löggildu skjalapappír. Hún verður svo tekin til athugunar og jafnvel leiðrétt 2009 ef fjármagn til prentunar fæst.

Það má með sanni segja að sannir veiðimenn gefast ekki upp þó svo að það gangi nú ekkert sérstaklega vel í veiðinni. Það hafa þeir félagar Sigmar, og sérstaklega Matthías komist á snoðir með.

Eftir nokkrar fýluferðir í Ísfiskveiðum, var ákveðið að reyna við Kringluvatn aftur en í þetta skiptið með reynslubolta. Stebbi gamli var svo vænn að taka Matthías og Sigmar í læri og kenna þeim á hvernig skal veiða í gegnum ís. Stebbi gamli kom sér líka vel þegar Nissan birfreið Matthíasar vildi ekki lengra að vatninu, en kallinn var á þessu fína fjórhjóli og ferjaði þá félaga niður að vatni.


Það er ekki hægt að segja að fyrstu holur hafi gefið neitt sérstaklega vel, en Stebbi gamli var í því að reyta upp smáum silungi á meðan Sigmar og Matthías störðu ofan í tóma holuna. Reynslan hefur greinilega eitthvað að segja í þessum bransa.

Engu að síður fór Sigmar að ná upp einhverjum silungum líka, en það var frekar rólegt framan af. Það dróg þó til tíðindi hjá Sigmari, þar sem hann setti í einn vænan urriða sem átti greinilega leið um holuna hjá honum.  Það tók ekki langan tíma að landa fisknum, en sá tími var átakanlegur fyrir Sigmar, þar sem hann taldi urriðan geta vænlega losað sig af spúninum með því að fara lengra undir ísinn. Sigmari til mikillar lukku, gerði hann það ekki.


Matta tókst þó að forða sér frá Brokebacki og náði upp einhverjum silungsgreyjum sem enduðu í refafóður. Ferðin var engu að síður mjög skemmtileg og gaman að sjá að líf er greinilega kviknað í vötnunum. Spurning er bara hvert verður farið næst.

Bíttá mælir svo með þessu stórskemmtilega myndbandi sem er mjög lýsandi fyrir ferðina.

Aflatölur

Stebbi: 14 silungar

Sigmar: 5 silungar og 1 bolta urriði

Matti: Nokkrar lontur sem enduðu í refafóðri

Myndir

Vídeó

Ingvar að kljást við óstýrlátan Þvebbara

Í tilefni dagsins hefur félagið ákveðið að senda hér Formanni Suður-Jótlandsdeildar, Ingvari Smára Guðgeirssyni heilshugar afmæliskveðju.
Til Hamingju með afmælið gamli.
Hér er myndband af honum við veiðar í Þverbrekkuvatni

Stjórnarformanni bauðst að halda til svartfuglsveiða á sunnudaginn síðastliðinn ásamt Gunnari Rafni og Daða Tryggva. Veður var ekki með þeim félögum sunnan rok en hlítt.
Bátsferðin byrjaði ágætlega með vindin í bakið, Þeir voru rétt komnir á leyfileg mið þegar fyrsta kvikindið lá í valnum. Það voru háar öldur og því frekar erfitt að koma auga á helvítin svo það féllu ekki fleyri kvikindi á leiðinni út. Þegar þeir snéru við og ætluðu að halda heim á leið fengu þeir aldeilis að finna fyrir veðrinu trillan kastaðist upp og niður þegar öldurnar lentu á nefinu. Mönnum var nú ekki alveg sama þagar tilfinningin var orðin líkari því að vera á trampolíni en Tryllu. Þeir náðu þó að tína upp þrjá fugla til viðbótar á heimleiðinni og enduðu aflatölur því í fjórum fuglum sem verður að teljast gott í þessari brælu. Stjórnarformaður fékk að sjálfsögðu að eiga aflan og stendur til að matreiða hann fljótlega.
Hér eru svo myndir